مدونة محيدب سارة

بزاف ناس يظنوا أنفسهم صابرين على أمور مؤلمة صراتلهم ممكن خسارة أو فقد أو فشل أو مرض .. مي صابرين لكن مهمش راضيين .. عمبالكم واش معناها الرضا، معناها كي ربي ميكتبلكش أكثر حاجة تحبها .. تفرح، إيه تفرح وأول ما تخمم فيه أنو داك الشي شر ليك ..

معناها تحوس على الخير في واش صرالك حتى لو كنت تحوس على إبرة في كومة قش، الرضا من داخل قلبك معناها تتخلى بسهولة، ومتغيبش بسمتك وحبك لنفسك وللغير ..

الرضا معناها تختار طريق الله دائما رغم خساراتك فالدنيا وتقتنع بلي الابتلاء الوحيد لي يقدر يهزك هو ابتلاء الدين، معناها تخمم فأجر مصيبتك، تخمم فالعوض، تخمم بلي السبب الوحيد لواش صرالك من ألم هو باه تزداد قرب من خالقك، مكاه أسباب أخرى لأنو واحد ميقدر يمسسك بضر إلا أن يشاء الله، فإذا حسيت شخص ظلمك فببساطة ربي بعتو باه يمتحنك أنت ..

الرضا معناها تخمم أنو الله يقدر يحقق المعجزات من أجلك لكن أنت دائما تطلب منه أن يختار هو لك .. الرضا مهوش حاجة ساهلة .. لهذا من أركان الإيمان الرضاء بقضاء الله وقدره خيره وشره .. وشره   ..

"ثم وعسى أن تكرهوا شيئًا وهو خيرٌ لكم أو خيرًا وهو شرٌ لكم .. رزقكم الله كنزَ الرِضَا" ..